O tla begwa ka go Seboka sa Maloko a Palamente (o akantšwe bjalo ka karolo 75): kakaretšo yeo e hlalošago ya Molaokakanywa e tla gatišwa ka gare ga Kuranta ya Mmušo No. 0000 ya [tšatšikgwedi]
Diteng ka Sekgowa ke diteng tša semmušo tša Molaokakanywa
TONA YA DIKGWEBO TŠA SETŠHABA
MOLAOKAKANYWA
Matseno
Ka ge Mmušo o ikemišetša go godiša go ba gona ga phihlelelo ya setlabela sa go fetiša datha ka lebelo go mafelo ao a sego a hlabologa le go bona gore dinyakwa tša maatla a phetišetšo tša diprojeke tše itšeng tša dikgahlego tša bosetšhaba di a fihlelelwa;.
Gape ka ge , Mmušo o ikemišetša go hloma Infraco Broadband ka boikemišetšo bja go ba mong wa lenaneokgoparara la dikgokaganyo leo le tla go e kgontšha go fa phihlelelo ya go se turwe go ditirelo tša setlabela sa go fetiša datha ka lebelo,
ELE BJALO KA GONA E BEILWE ke Palamente ya Repabliki ya Afrika Borwa, ka mokgwa wo o latelago:-
Ditlhathollo
Ka gare ga molao wo, ka ntle ga ge kamano e bontšha ka mokwa wo mongwe-
"Molao wa Dikhamphani" o ra gore Molao wa Dikhamphani, 1973 Molao wa No. 61 wa 1973;
"Tšatšikgwedi la phetogo" le ra gore tšatšikgwedi leo le beilwego ke Tona go ya ka dineelo tša karolo 81;
"Dikgokaganyo tša elekhtroniki" di ra gore dikgokaganyo tša elekhtroniki bjalo ka ge di hlathollotšwe ka gare ga karolo 1 ya Molao wa Dikgokaganyo tša Elekhtroniki;
"Molao wa Dikgokaganyo tša Elekhtroniki" o ra gore Molao wa Dikgokaganyo tša Elekhtroniki, 2005 Molao wa No 36 wa 2005 goba tlhakamolao ye nngwe le ye nngwe ye e latelago yeo e sepetšago ka molao dikgokaganyo tša elekhtroniki;
"ditirelo tša netweke ya dikgokaganyo tša elekhtroniki" di ra gore ditirelo tša netweke ya dikgokaganyo tša elekhtroniki bjalo ka ge di hlathollotšwe ka gare ga karolo 1 ya Molao wa Dikgokaganyo tša Elekhtroniki;
"Eskom" e ra gore Eskom Holdings Limited, khamphani ya setšhaba yeo e kopantšwego ka tshwanelo ka fase ga Molao wa Dikhamphani, le/goba ye nngwe le ye nngwe ya dikhamphani tšeo e di laolago;
"Molao wa Tatelano ka Molao" o ra gore Tatelano ka Molao go Molao wa Ditirelo tša Dinamelwa wa Afrika Borwa, 1989 Molao wa No.9 wa 1989;
"Tona" e ra gore Tona ya Dikgwebo tša Setšhaba;
"laeletšwego" e ra gore ye e laeletšwego ke Molawana go ya ka karolo 10;
"PFMA" e ra gore Molao wa Taolo ya Matlotlo a Setšhaba, 1999 Molao wa No.1 wa 1999;
"Mmušo" ke gore Mmušo wa Repabliki ya Afrika Borwa wo o dirago ka Tona;
"Molao wo" o akaretša Molawana wo mongwe le wo mongwe go ya ka karolo 10;
"Transnet" ke gore Transnet Limited, khamphani yeo e kopantšwego ka tshwanelo go ya ka karolo 2 ya Molao wa Tatelano ka Molao le/goba ye nngwe le ye nngwe ya dikhamphani tšeo e di laolago;
"tšatšikgwedi la tšhuthišo" le ra gore tšatšikgwedi leo ka lona shareholding ka go Infraco e šuthišetšwago go Mmušo.
Dinepo tša Molao
Dinepo tša Molao wo ke go—
a fa theko ya shareholding ka mo go Infraco ke Mmušo;
b fa tšhuthišo ya FSN go tšwa go Eskom, Transnet le/goba dikhamphani tšeo e di laolago;
c fa phetogo ya Infraco go ba khamphani ya setšhaba ka kabelo ya tšhelete ya go thoma kgwebo; le d fetoša šetule 2 ya PFMA go ngwadiša Infraco bjalo ka setho se segolo sa setšhaba.
Mmušo o dumeletšwe go hwetša bongdišere ka mo go Infraco ka kwano magareng ga Mmušo le Eskom le go hloma Infraco bjalo ka setho se segolo sa setšhaba ka fase ga PFMA le go fetoša Šetule 2 ya PFMA go ngwadiša Infraco ka baka leo.
Go boikemišetšo bja karolo 331 bja Molao wa Dikhamphani, ga go na le e tee ya dinepo tšeo di thekgago dinepo tše dikgolo tše di tla go tlogelwa.
Maatla a Infraco a beilwe ka mo go Šetule 2 go Molao wa Dikhamphani e bile ga gona maatla le a tee a ma bjalo ao a tlogetšwego goba a hlaotšwego.
Go tloga ka tšatšikgwedi la tšhuthišo, Tona a ka, ka poledišano le Tona ya Matlotlo le Dikgokaganyo, le go ya ka tumelelano le neo ye nngwe le ye nngwe ye e sepelelanago le PFMA, ka go e tee goba dithekišetšano tše dintši, a šuthiša ka moka goba karolo ye nngwe le ye nngwe ya dišere, dithoto, ditokelo, ditlemo goba dikgahlego tša Mmušo go ya ka maleba go Infraco go ya go bašuthišetšwa ba ba bjalo, ka mokgwa o bjalo le ka dipeelano le mabaka bjalo ka ge e ka dumelelwa go ya ka neo ye nngwe le ye nngwe ye e sepelelanago le PFMA.
Go ya ka PFMA, Infraco e ka adima tšhelete goba ya ntšha tiišetšo, tefelelo goba tiišetšo ya go se lahlegelwe ke dithoto goba go tsena ka gare ga thekišetšano ye nngwe le ye nngwe ye e hlokegegago go ka kgona go fihlelela dinepo tše go boletšwego ka tšona ka mo go karolo ya 4.
Go tloga ka tšatšikgwedi la tšhuthišo —
a Infraco e tla ba mong wa FSN; le gona b Infraco e tla diriša ka moka tša ditokelo tšeo di kopantšwego go/le FSN.
Go tloga ka tšatšikgwedi la tšhuthišo:
a Go maikemišetšo a karolwana ye, 'sebitšhute' e ra gore sebitšhute ye nngwe le ye nngwe, go hiriša, tokelo ya go šomiša goba tokelo ye nngwe ya nnete ka go goba go naga ka go iša le Eskom le Transnet, tšeo di bego di le gona pele ga go thoma ga Molao wo, go rwala goba kabelo ya mohlagase, dikgokaganyo tša megala, melokoloko ya diphaephe, diporo, dinamelwa goba diteišene tše di nnyane tša mohlagase goba go aga, go šomiša le go lota/boloka dinetweke tša kgokaganyo ya elekhtroniki.
b Sebitšhute ye nngwe le ye nngwe ka gona e ya oketšwa gore e akaretše tokelo ye nngwe ya go šomiša naga mo e lego gore sebitšhute ye bjalo e sepelelana le maikemišetšo a go šomiša le go lota/boloka dinetweke tša dikgokaganyo tša elekhtroniki tšeo di lego gona ga bjalo le go neelana ka ditirelo tša dinetweke tša dikgokaganyo tša elekhtroniki, gape gape le tokelo ya go tsena go naga ye bjalo, le go aga, go hloma le go lota/boloka dinetweke tša dikgokaganyo tša elekhtroniki go tšwela pele.
i šomiša sebitšhute ye bjalo go ya ka tokelo yeo e okeditšwego ye go boletšwego ka yona mo go karolwana b go dipeelano le mabaka a bjalo, bjalo ka ge go tlabe go kwanwe/dumelelwane magareng ga Infraco, Eskom le Transnet, bjalo ka ge go tla be go le bjalo, ge go se na kwano ka ga dipeelano le mabaka a bjalo ka ge Tona a ka phetha;
ii šomiša sebitšhute ye bjalo go ya ka tokelo ye e okeditšwego ka go rata Infraco gore di kgone go neelana ka ditirelo tša netweke ya dikgokaganyo tša elekhtroniki go phethagatša maikemišetšo a yona le taelelo ka fase ga Molao wo le ditokumente tša yona tša tlhomo.
e Tefo bjalo ka ge e akantšwe ka mo go karolo 253 ya Molaotheo e tla lefelwa ke Infraco go ya ka tokelo yeo e okeditšwego yeo e akantšwego ka mo go temana b go mong wa naga yo a ingwadišitšego go ka šomiša tokelo ye bjalo ye e okeditšwego, go fihla mo e lego gore tokelo ye e okeditšwego ye go boletšwego ka yona e gafela sebitšhute boima bjo bontši go feta sebitšhute ya mathomo.
f Tsebišo ya go diriša goba go šomiša tokelo yeo e okeditšwego ke Infraco go ya ka karolwana c e tla fiwa ke Infraco ka go ngwala go mong wa naga yo a ingwadišitšego pele ga go thoma ga tirišo goba tšhomišo ye bjalo, e ka ba ka personal service goba ka poso ya go lefa pele yeo e ngwadišitšwego go atrese ya poso ya mong yo bjalo, le tefo yeo e akantšwego ka mo go karolwana e e tla lefelwa le gona e tla lekollwa go tloga ka tšatšikgwedi la go thoma go go bjalo.
g Dikarolo 9, 10, 11, 123 le 4, 14 le 15 tša Molao wa go Amoga Naga di tla, le diphetogo tše di swanetšego, šomišwa go ya ka tefo ye nngw e le ye nngwe yeo e nyakilwego, kabelo tefo le tefo le boitlemo bja tefo ye bjalo, bjalo o ka re go tsebišo ye go akantšwego ka yona ka mo go karolwana f mo tsebišo ya go Amogwa Naga go ya ka karolo 7 ya Molao wa go Amogwa Naga; ka ntle le ge: tšhupetšo ye nngwe le ye nngwe ka mo go karolo tše go boletšwego ka tšona go tefo bjalo ka ge e beilwe ka mo go dikarolo 121 le 2 tša Molao wona woo, di tla hlalošwa/hlophollwa bjalo ka tšhupetšo go diteng tša karolo 253 ya Molaotheo;
h Dikabelo tša karolo 77 di šoma go tekolo ya palo ya tefo ye e lego gore mong o e loketše go ya ka karolwana e;
i Mmoloki wa Ditokumente/Direkoto o tla, ge go se no dirwa deeds le documentation ye e nyakegago, bjalo ka ge e ka no nyakega go mabaka a go ngwala katološo ya sebitšhute go ya ka karolwana b le c le go ngwala boingwadišo bja sebitšhute go ya ka karolwana d.
kamogo ya naga goba tokelo ya naga ka Tona legatong la Infraco
Ge Infraco e kgotsofatša Tona ka mabaka gore e nyaka naga ye nngwe le ye nngwe ye e itšeng goba tokelo mo go naga go mabaka a setshaba goba ka dikgahlego tša setšhaba le go fihlelela dinepo tša yona le gore ga e kgone go ka e hwetša ka dipeelano tšeo di kwagalago, Tona a ka amoga naga ye bjalo goba tokelo ya naga mo legatong la Infraco, go ya ka kgapeletšo ya go lefa tefo ka ge go akantšwe ka mo go karolo 253 ya Molaotheo.
Ge Tona a amoga naga ye nngwe le ye nngwe goba tokelo ya naga mo legatong la Infraco, Infraco e tla ba mong go tloga ka tšatšikgwedi la kamogo ka ge go hlalošitšwe ka mo go karolo 72 ya Molao wa go Amoga Naga.
Go tla ba le tšhelete yeo e lefelwago ka lebaka la kamogo ya naga ye nngwe le ye nngwe ya naga goba tokelo go naga go ya ka karolwana 1 ditefo, metšhelo le ditshenyegelo tše dingwe tšeo di bego di swanetše go lefelwa ke Infraco go ya ka molao wo mongwe le wo mongwe ge e be gore e šetše e rekile thoto yeo.
Ditshenyegelo ka moka tšeo di dirilego ke Tona ge a be a phethagatša mediro ya gagwe go ya ka karolwana 1 di tla bušetšwa go yena ke Infraco.
Go ya ka karolo 252 ya Molaotheo, dikabelo tše di latelago tša Molao wa go Amoga Naga di ka dirišwa, le diphetogo tše di swanetšego, ka tshepedišo ya kamogo ya naga go ya ka karolwana 1, ke go re dikarolo 6 go fihla go 11, dikarolo 123 le 4 le dikarolo 14, 15, 18 go fihla go 21 le 23: ge e le gore tšhupetšo ye nngwe le ye nngwe ka go dikarolo tše go boletšwego ka tšona go tefo bjalo ka ge e filwe ka mo go dikarolo 12 1 le 2 tša Molao wona woo, di tla hlalošwa bjalo ka tšhupetšo ya diteng tša karolo 253 ya Molaotheo;
Ditokelo ka moka tšeo di se go tša ngwadišwa go ya ka naga yeo e amogilwego, di swanetše go amogwa ka go aroganywa le gona dikarolo tše go boletšwego ka tšona tša Molao wa go Amoga Naga o dirišwa le diphetogo tše di swanetšego go dikamogo tše di bjalo.
Go lekola palo ya tefo yeo e lego gore moamogwa yo mongwe le yo mongwe a ka be a e loketše ka ge go akantšwe ke karolo 253 ya Molaotheo, dikabelo tša dikarolo 125a go fihla go f le h ya Molao wa go Amoga Naga di swanetše go šomišwa ka bontši ka mo go lokileng le ka go lekana go dira bjalo: ge e le gore tšhupetšo go tokelo ye nngwe le ye nngwe yeo e sego ya ngwadišwa go ya ka thoto ye nngwe le ye nngwe ka mo go karolo 125e ya Molao wo go boletšwego ka wona, ga e šome.
Phetogo ya Infraco go ba khamphani ya setšhaba
Ka morago ga tšatšikgwedi la tšhuthišo, Tona a ka, mo legatong la Mmušo a kgopela Mongwadiši wa Dikhamphani ka go ngwala go fetola Infraco go ba khamphani ya setšhaba yeo e nago le share capital go ya ka tumelelano le Molao wa Dikhamphani.
Kgopelo e swanetše go sepela le memorantamo wa kopano le ditemana tša kopano tše di lebantšwego go khamphani ya setšhaba yeo e swanetšego ke go-
a framed go ya ka tumelelano ya Molao wa Dikhamphani, eupša go lebelelwe Molao wo; le go b Saenwa ke Tona mo legatong la Mmušo.
Ge a se no amogela kgopelo le memorantamo le ditemana di saenwe, Mongwadiši wa Dikhamphani o swanetše go –
a Ngwadiša phetogo ya Infraco go ba khamphani ya setšhaba yeo e nago le share capital, gape le memorantamo le ditemana; le b Go ntšha lengwalo la bopaki la kopantšho leo le fetošitšwego.
Leina la khamphani ya setšhaba yeo go boletšwego ka yona ka mo go karolwana 3 a e tla ba Infraco Broadband Limited.
Ga gona tefo ye nngwe yeo go boletšwego ka yona ka mo go karolo 63 2 ya Molao wa Dikhamphani yeo e lefelwago ge go ngwadišwa memorantamo le ditemana tše go boletšwego ka tšona mo go karolwana 3 a.
Mongwadiši wa Dikhamphani o swanetše go ntšha ditaelo tše bjalo le go dumelela diphapogo/difapogo tše bjalo go tšwa go melawana yeo e lego gona go ya ka Molao wa Dikhamphani le ditokumente tšeo di beilwego ka dipeelano bjalo ka ge a ka bona go hlokega gore a kgone go fa sephetho go karolo ye.
Dikabelo tša dikarolo 32, 441, 542, 66, 190 le 344d tša Molao wa Dikhamphani di ka se šome go Infraco Broadband Limited ge Mmušo o sa dutše o swere diphesente tšeo di se go ka fase ga tše 75
goba go feta palomoka ya dišere tša ka mehla tšeo di ntšhitšwego ka mo go Infraco.
Sephetho sa phetogo
Phetogo yeo go akantšwego ka yona ka mo go karolo 8 e ka se ame—
a Go tšwela pele ga go ba gona ga Infraco ka fase ga Molao wa Dikhamphani;
b Ye nngwe le ye nngwe ya ditokelo, dikoloto goba ditshwanelo tšeo di hweditšwego goba di dirilwego ke Infraco pele ga tšatšikgwedi la phetogo; goba c Dipeelano le mabaka a tirelo ya bašomi ba Infraco.
Melawana
Tona a ka, ka tsebišo ka gare ga Kuranta ya Mmušo, a dira melawana ya malebana le ye nngwe le ye nngwe ye e thušago goba taolo ka sewelo goba taba ya tshepedišo ye e hlokegago go ka šupetša phethagatšo ye e lokilego goba taolo ya Molao wo, go akaretša le tshepedišo ye e tla latelwago ke Infraco ka tlhompho/go ya ka ka kgopelo ya Tona go amoga/kamogo ya naga goba tokelo go naga bjalo ka ge e akantšwe ka mo go karolo 7 le kabelo ya tšhelete ke Infraco go ya ka ditšhenyegelo ka moka tšeo di dirilwego goba tšeo di sa tlilego go dirwa ke Tona ge a dira mešomo ya gagwe go ya ka karolo 7 .
Phetošo ya Melao
Go tloga ka -
a Tšatšikgwedi la tšhuthišo, PFMA ka gona e ya fetošwa ka go tsenya Šetule 2 ka morago ga hlogwana 11 ya hlogwana ye e latelago:
Thaetlele ye kopana le go thoma
Molao wo o bitšwa Molao wa Khamphani wa Lenaneokgoparara la Setlabela sa go Fetiša Datha ka Lebelo (Infrastructure Broadband Company Act, 2006) le gona o tla thoma go šoma ka tšatšikgwedi leo le tla go laetšwa ke Mopresidente wa Repabliki ya Afrika Borwa ka kgoeletšo ka gare ga Kuranta ya mmušo.
MEMORANTAMO KA GA DINEPO TŠA MOLAOKAKANYWA WA INFRACO, 2006-11-21
BOITHEKGO/BOTŠO
Dinyakišišo ka ga ditheko tša godimo tša setlabela sa go fetiša datha ka lebelo ka mo Afrika Borwa go bapetša le dinaga tša boditšhabatšhaba e tšweletša gore bafi ba tomaganyo, ka ntle le Telkom Limited "Telkom", ba na le sebopego sa ditheko mo e lego gore go fihla go 80% ya ditheko e bopilwe ke ditheko tšeo di beilwego go tomaganyo ya tatelano ya 1 ya motheo wa bosetšhaba Tier 1 national backbone connectivity le tomaganyo ya tatelano ya 3 ya boditšhabatšhaba tšeo ka moka di fago ke Telkom. Mafelelo ao a kwagalang e be ele go tsena ka bogare go lokiša/rarolla motheo wo wa bosetšhaba le sebopego sa ditheko sa tomaganyo ya boditšhabatšhaba. Se se ithekgile ka assumption ya gore ge ditheko tše di ka rarolwa/lokišwa, Tatelano ya 2 netweke ya lefelo la selegae la toropokgolo le bafi ba tomagano ya maele wa mafelelo ba tla fetiša se ka lebelo mo mmarakeng ka lebaka la kgatelelo ya phadišano.
Sebopego seo se lego molaleng kudu go ka šomišwa go morero wo ke fibre optic backbone yeo e tsebegago ka FSN.
Malebela ao a akantšwego e bile SOE (Infraco) yeo e tla go ba mong wa FSN. Infraco e gopotše go hwetša dipoelo tša ekonomi tšeo di lekaneng go ka buša ditshenyegelo ka moka le go kgontšha tšwelopele ya peo ya tšhelete mo go lenaneokgoparara. Mohola o mogolo wa Infraco ke tiišetšo ya gore mebaraka ya ekonomi ya ka fase e tla hlokomelwa /akaretšwa mo go lekaneng go ka kgontšha mmušo go tliša ditirelo le ditirelo tše dingwe ka boleng bjo bo lokileng le setlabela sa go fetiša datha ka lebelo seo se sa turwego.
Gore Infraco e tsepame le SOE tšeo e lego dikgwebo tše dikgolo tša setšhaba le go hlola phetogo go ya ka seemo ge thušo ka tšhelete e dirwa le go tsenya lefapa la praebete, Infraco gape e ka fetolelwa go ba khamphani ya setšhaba. Dikhamphani tša setšhaba ka bophara di lemogwa/dumeletšwe bjalo ka sebopego seo se rategago sa go tlemana go fihlelela mebaraka ya ditšhelete le go kgontšha peo ya tšhelete ya bokamoso bja lefapa la praebete, mo go swanelago.
DINEPO
Dinepo tše go nyakwago gore di phetwe ka go diriša Molaokakanywa ke go fa –
b theko ya FSN go tšwa go Eskom, Transnet le/goba ye nngwe le ye nngwe ya makala a tšona/tšeo e di laolago ;
Ditho tšeo di rerišitšwego
Kgoro ya Dikgwebo tša Setšhaba e rerišane le –
Kgoro ya Matlotlo ya Bosetšhaba;
Kgoro ya Dikgokaganyo;
Bolaodi bjo bo Ikemego bja Dikgokaganyo bja Afrika Borwa (ICASA); le
Ditlamorago tša tšhelete go Mmušo
Ditlamorago tša tšhelete go Mmušo e tla ba go tliša tšhelete yeo e balelwago go R975 milione ka go Infraco.
Tshepedišo ya Palamente
Baeletši ba Molao ba Mmušo le Kgoro ya Dikgwebo tša Setšhaba ba mo kgopolong ya gore Molaokakanywa wo o swanetše go šomišwa go ya ka tshepedišo ye e hlomilwego ke karolo 75 ya Molaotheo wa Repabliki ya Afrika Borwa (Molaotheo) ka ge o se na dineelo tša gore ke tshepedišo efe yeo e beilwego ka go karolo 741 goba 762 ya Molaotheo yeo e šomago.
Baeletši ba Molao ba Mmušo ba mo kgopolong ya gore ga go hlokagale go iša Molaokakanywa wo go Ngwako wa Bosetšhaba wa Baetapele ba Magoši go ya ka karolo 1 (a) ya Molao wa Boetapele bja Magoši le Tlhako ya Mmušo, 2003, (Molao wa 41 wa 2003), ka ge e se na dineelo malebana go molao wa setšo goba ditšo tša metse ya sekgale.
Karolo ye Melaokakanywa yeo e hlagišago diphetošo go Molaotheo.
Karolo ye e laola Melaokakanywa yeo e amago diprofense gomme e hloka gore di šuthišetšwe go Komiti ya Lekgotla la Setšhaba la Diprofense.
